21:16, 24 Prill 2019

Presidenti i Rusisë, Vladimir Putin, ka nënshkruar sot urdhrin për lehtësimin e rrufës për nënshtetësi ruse për banorët rezidentë të regjionit lindor të Ukrainës, që kontrollohet nga separatistët.

Ky veprim i Putin ka bërë që tensionet Rusi-Ukrainë të rriten edhe më, shkruan Euronews, transmeton Klan Kosova.

Sipas rregullit të ri, banorët nga lindja e Ukrainës do të marrin pasaportat ruse brenda tre muajve. Deri tash, atyre iu është kërkuar që të jetonin në Rusi për pesë vjet para se të aplikonin dhe t’u nënshtroheshin testeve për nënshtetësi.

Kjo lëvizje e Rusisë vjen si një test i hershëm për Presidentin e ri të Ukrainës, Volodymyr Zelenskiy.

Ish komediani fitoi të dielën zgjedhjet presidenciale dhe paraprakisht është zotuar se do të gjejë një zgjidhje paqësore për konfliktin me Rusinë.

Konkurs Pune

Lexo më shumë