Putin paralajmëron hakmarrje pas sulmit me dronë nga Ukraina

Presidenti rus Vladimir Putin ka deklaruar se do të jetë i detyruar të përgjigjet pas një sulmi të madh me dronë nga Ukraina në bazat ajrore ruse, ka bërë të ditur ish-presidenti amerikan Donald Trump.

Në një postim në rrjetet sociale, Trump njoftoi se kishte zhvilluar një bisedë telefonike më shumë se një orë me Putinin, transmeton klankosova.tv.

”Presidenti Putin tha, dhe shumë fuqishëm, se do të duhet të përgjigjet ndaj sulmit të fundit në fushat ajrore”, shkroi Trump.

Zyrtarët rusë nuk e konfirmuan këtë deklaratë mbrëmjen e së mërkurës, por më herët Moska kishte paralajmëruar se opsionet ushtarake janë “në tryezë” për përgjigjen e saj ndaj sulmit.

Trump theksoi gjithashtu se biseda telefonike nuk do të sjellë “paqe të menjëhershme” mes Rusisë dhe Ukrainës.