Punëtorët thërrasin protestë, kompania ajrore anulon mbi 1,300 fluturime

Njëra ndër kompanitë më të mëdha evropiane të fluturimit, Lufthansa, ka anuluar mbi 1,300 fluturime të parapara për të premten.

Kjo, pasi që sindikata e punëtorëve ka ftuar për protestë njëditore në shtatë aeroporte gjermane, përfshirë atë të Frankfurtit, Mynihut dhe Hamburgut.

“Na vjen keq për ndikimin e madh të kësaj proteste paralajmëruese, e cila do të peshojë mbi pasagjerët tanë”, ka thënë Michael Niggemann, anëtar i bordit ekzekutiv të Lufthansa, transmeton KlanKosova.tv.

“Ne nuk jemi pjesë e këtij pazarllëku dhe as kemi ndikim në të. Sidoqoftë, mysafirët tanë dhe ne jemi tepër të prekur”.

Në total, 2,340 fluturime janë prekur, duke çrregulluar fluturimet e mbi 295 mijë pasagjerëve.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.