Protesta e Opozitës zhvendoset në Pejë

Tre partitë opozitare Lëvizja Vetëvendosje, Aleanca për Ardhmërinë e Kosovës dhe Nisma për Kosovën sot do të mbajnë  manifestimin e radhës në Pejë për të kundërshtuar Demarkacionin me Malin e Zi dhe Asociacionin e Komunave serbe.

Sipas Opozitës Peja është një prej komunave që dëmtohet më së shumti prej marrëveshjeve kriminale të nënshkruara prej Qeverisë Mustafa-Thaçi, sidomos prej marrëveshjes për Demarkacionin me Malin e Zi, që ia heq Kosovës mbi 8000 hektarë tokë.

“Për këtë tokë është derdhur gjak dëshmorësh, dhe askush nuk ka të drejtë t’ia falë dikujt”.

“Po ashtu, Peja është e prekur prej enklavizimit të komunave e vendbanimeve me shumicë serbe, të cilat Serbia po dëshiron t’i përfshijë në një projekt që e shkatërron Kosovën, siç është “Zajednica”.

“Ne nuk do ta lejojmë bosnjëzimin e Kosovës” thuhet në njoftimin për protestë të Vetëvendosjes, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.