Prishtina përforcohet me amerikanin Harris

Klub i Basketbollit, Prishtina, ka njoftuar se ka nënshkruar me amerikanin Tyron Harris.

31-vjeçari shkon në kryeqytet pas përvojës në shtete të ndryshme si Bosnje e Hercegovinë, Maqedoninë e Veriut, Turqi dhe në Rusi.

Harris në sezonin 2020/21 është shpallur MVP i sezonit në Ligën Ballkanike me skuadrën TFT, me mesatare 18.6 pikë, 7.5 asistime.

Së fundmi Harris ka qenë pjesë e skuadrës Dynamo Vladivostok në Rusi, transmeton Klankosova.tv.

Përndryshe, Prishtina e nis nesër stinorin e ri të basketbollit vendor, ndaj skuadrës së Ponte Prizrenit, sfidë e cila zhvillohet në palestrën “Sezai Surroi”.