Presidenti i Polonisë nis bisedimet për të formuar koalicionin qeverisës

Presidenti i Polonisë, Andrzej Duda ka nisur bisedimet dyditore që mund të përcaktojnë formimin e koalicionit që duket se do të qeverisë vendin.

Megjithatë, ka një mori pengesash për t’u kapërcyer në ditët dhe javët në vijim.

Duda është një aleat i Partisë Ligj dhe Drejtësi që humbi shumicën në zgjedhjet e 15 tetorit, pavarësisht se fitoi numrin më të madh të votave nga çdo parti individuale.

Sipas kushtetutës së Polonisë, një qeveri e re duhet të formohet brenda 30 ditëve nga zgjedhjet.

Një koalicion prej tre partish të qendrës së majtë fitoi kolektivisht shumicën, por Ligji dhe Drejtësia mund të përpiqet të shpërbëjë ose nënvizojë koalicionin, shkruan Euronews, transmeton Klankosova.tv.

“Ne kemi edhe çështjen e presidentit, i cili dihet se është përkrahur nga partia jonë dhe është e sigurt që shumë prej zgjidhjeve që po propozohen nga opozita do të vihen në veton nga presidenti”, tha Kazimierz Smolinski i partisë Ligj dhe Drejtësi.

Smolinksi tha se partia e tij nuk e kishte përjashtuar ende mundësinë që të gjente një mënyrë për të formuar një qeveri.

Në seancën e radhës të Sejmit në mes të nëntorit, presidenti Duda pritet të emërojë kryeministrin e ri.