Prekja në këtë pjesë të këmbës mund t’iu ndihmojë të flini më shpejt

Disa ekspertë kanë theksuar se është e mundur të shtypni një pikë specifike në këmbë për të nxitur gjumin.

Sipas tyre, shtypja e një pike të quajtur “SP6″, brenda këmbës, pas kockës së kyçit, mund të ndihmojë me gjumin, por edhe me trajtimin e dhimbjeve menstruale, shkruan Indianexpress, transmeton Klankosova.tv.

“Duke stimuluar këtë pikë, besohet se shkakton një gjendje relaksi, duke reduktuar potencialisht kohën që duhet për të fjetur. Presioni i aplikuar në SP6 mund të ndihmojë në rregullimin e rrjedhës së energjisë së trupit, duke adresuar faktorët që kontribuojnë në shqetësimet e gjumit”, thanë ekspertët.

Sipas tyre, ushtrimi i presionit të butë në “SP6” për rreth një minutë dhe mbajtja e tij për dy minuta të tjera besohet se ndihmon në rregullimin e rrjedhës së energjisë dhe gjakut në zonën e legenit.

Ekspertët gjithashtu kanë bërë të ditur se kjo mund të ndihmojë edhe në lehtësimin e simptomave premenstruale si dhe ankthit.