Prania ushtarake amerikane në Japoni pengon çdo traktat paqeje me Tokion, thotë Kremlini

Kryeministri japonez, Fumio Kishida do të mbajë një samit në Uashington këtë javë me Presidentin e ShBA-ve, Joe Biden, vizita e parë shtetërore nga një udhëheqës japonez në nëntë vjet.

Zëdhënësi i Kremlinit, Dmitry Peskov u tha gazetarëve të hënën: “Aleanca de facto e mbrojtjes është tashmë atje dhe ne dimë për potencialin ushtarak të Shteteve të Bashkuara që është i vendosur në Japoni – meqë ra fjala, afër kufijve tanë”, shkruan SkyNews, transmeton Klankosova.tv.

“Kjo ka qenë gjithmonë një pengesë në përpjekjen për të arritur një zgjidhje të problemit tonë kryesor, problemit të traktatit të paqes,” tha ai.

Rusia, shteti kryesor pasardhës i Bashkimit Sovjetik, dhe Japonia nuk kanë nënshkruar kurrë një traktat paqeje që t’i japë fund zyrtarisht armiqësive të tyre gjatë Luftës së Dytë Botërore.