Policia: Objekti i komunës në Mitrovicë, u sulmua me revole

Pas raportimeve se objekti i Komunës së Mitrovicës, është sulmuar me kallashnikov me ç’rast janë shkaktuar edhe dëme materiale, Klan Kosova ka kontaktuar menjëherë me autoritete përkatëse policore për të kuptuar rreth detajeve të këtij rasti.

Zëdhënësi i Policisë për rajonin e Mitrovicës, Avni Zahiti, konfirmoi për Klan Kosova, se sulmi është kryer në orët e mesnatës të së mërkurës megjithatë mohoi se komuna është sulmuar me kallashnikov.

Zahiti, tha se objekti i kësaj komune, është sulmuar me revole ndërkaq ekipet e hetuesisë menjëherë kanë ndalë në vendin e ngjarjes, me ç’rast kanë hasur edhe në disa gëzhoja të plumbave, njoton Klan Kosova.

Raportohet për dëme të shkaktuara materiale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.