Policia ndalon materialin e referendumit, kthen prapa zyrtarët serbë

Policia e Kosovës ka ndaluar hyrjen në Kosovë të tri automjeteve (një veturë dhe dy kamionë) të Serbisë ku ishin gjashtë persona, të cilët po sillnin materialin për referendumin e Serbisë.

Siç njofton policia, dy mjetet transportuese (kamionët) janë dërguar tek autoritet kompetente doganore, ndërsa pas intervistimit personat me automjetin e tyre janë kthyer mbrapa në Serbi, njofton Klan Kosova.

Bazuar në informacionet zyrtare, detyrat dhe autorizimet policore, është ndaluar hyrja në RKS, e këtij materiali i cili po transportohej pa leje përkatëse

Rasti do të vazhdojë të trajtohet në bashkëpunim me institucionet përkatëse dhe organet e drejtësisë.

Mbrëmë në ora 21:40, zyrtarët serbë tentuan të futen në Kosovë në pikën e kalimit Kufitar Merdare ku u ndaluan nga Policia e Kosovës.