Policia arreston një grua të dyshuar afër shtëpisë së Drake

Rezidenca masive e Drake është kontrolluar nga policia të martën pasi një grua u gjet afër pronës së tij në Toronto.

Policia tha për TMZ se ata iu përgjigjen një thirrjeje pasdite dhe kapën një grua para se ajo të hynte në shtëpinë e Drake.

Nuk raportohet për të lënduar dhe policia po heton pasi kontrolloi shtëpinë.

Një burim i afërt me Drake ka thënë për TMZ se reperi ishte në shtëpi në atë kohë, por gruaja nuk arriti të hynte brenda.

Kishte raportime se gruaja e dyshuar ishte e armatosur me një thikë dhe kishte goditur rojet e tij të sigurisë mirëpo policia tha se kjo nuk është e vërtetë, transmeton Klan Kosova.