Plagosja e dyfishtë në “Vranjevc”, arrestohet edhe i dyshuari tjetër – ishte në arrati

Është arrestuar edhe i dyshuari tjetër për plagosjen e dyfishtë me armë zjarri që ndodhi në “Kodrën e Trimave” në Prishtinë, të enjten.

I prangosuri u dërgua në mbajtje, me vendim të prokurorit, tha policia, përcjell Klankosova.tv.

Pasditen e së enjtes dy persona u plagosën në “Vranjevc”, ku edhe u dërguan në QKUK.

Në ditën e njëjtë u arrestua njëri nga të dyshuarit, derisa tjetri gjendej në arrati deri dje.