Plagoset një person në Penuhë të Podujevës

Një person ka mbetur i plagosur pas një mosmarrëveshje që ka ndodhur mes dy personave në fshatin Penuhë të Podujevës sot rreth orës 16:00.

Lajmin për Klankosova.tv e ka konfirmuar zëdhënësi i policisë për rajonin e Prishtinës, Agron Borovci, i cili ka thënë se policia ka dalë në vend të ngjarjes.

Borovci tha se personi i plagosur është dërguar për tretman mjekësor.

“Bazuar në të dhënat fillestare dyshohet për një person të plagosur dhe i njëjti është dërguar për tretman mjekësor. Aktualisht hetuesit policorë kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”.