Pilotit i ndalohet të fluturojë pasi lejoi një vajzë të bëjë foto në kabinë

Një piloti kinez i është ndaluar të fluturojë pasi një foto ku shihet një pasagjere e ulur në kabinë u bë virale.

Fotografia është bërë në janar në një fluturim të Air Guilin nga qyteti Guilin për në qytetin Yangzhou, thanë mediat shtetërore.

Fotografia në fjalë u përhap gjerësisht këtë javë – duke bërë që linja ajrore të ndërmarrë masa.

Aty shihet një grua, e cila besohet se është duke u trajnuar për stjuardesë në Universitetin e Guilinit, që pozon në kabinën me pije freskuese të shtruara pranë saj.

Air Guilin tha në një deklaratë se piloti kishte shkelur rregullat e sigurisë së ajrit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.