Pezullohet greva e universitetit

Punëtorët e Administratës së Universitetit sot filluan punën e tyre përsëri pas vendimeve të marrë nga këshilli drejtues i Universitetit, për aprovimin e kontratës kolektive për këta punëtorë.

Kryetari i SUSHK-ut, tha për KosovaPress se ata morën sot vendimin e pezullimit të grevës, pas premtimeve dhe vendimeve që i morën nga KD-ja. Por, në rast se këto vendime nuk zbatohen, Bardh Bardhi ka bërë të ditur se grevat do të riaktivizohen përsëri.

Ndërkaq, edhe kryetari i SBASHK-ut, Rrahman Jasharaj, vendimet e marra nga KD e cilësoj si shumë pozitive dhe shpreson që këto kërkesa do të realizohen. Por, në rast se ndodh e kundërta, Jasharaj bëri të ditur se SUSHK-udo ta ketë përkrahjen e SBASHK-ut për riaktivizimin e grevës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.