Pesë efekte të specit djegës NULL NULL 08.11.2019 09:00 08.11.2019 09:00 Disa i mbajnë larg, derisa disa nuk bëjnë dot pa specat e kuq djegës në regjimin e tyre ushqimor. Çfarë e bën specin djegës kaq special? Diçka e vogël e quajtur kapsaicin. Arsyeja pse speci i kuq djegës është përdorur në mjekësinë tradicionale dhe ‘pastruese’ është pikërisht ky përbërës që ato përmbajnë i quajtur kapsaicin. Kapsaicin është përbërësi aktiv në shumë lloje piperi, përfshirë edhe specin e kuq djegës. “Pikërisht ky përbërës u jep shijen djegëse”, shpjegon Jamie Alan, profesor i farmakologjisë dhe toksikologjisë në ‘Michigan State Univeristy’. Pikërisht kapsaicina qëndron pas shumë benefiteve shëndetësore të specave të kuq djegës sipas dietologes Alissa Rumsey, shkruan Living.al. Por, cilat janë tamam përfitimet e specit të kuq djegës? Përshpejton metabolizmin Për shkak se kapsaicina rrit lehtë temperaturën e trupit (që do të thotë se digjni më shumë kalori), speci i kuq djegës mund të nxisë metabolizmin. Ndihmon kundër dhimbjeve Disa kërkime kanë vërtetuar se kapsaicina ndihmon kundër dhimbjeve, për shkak se redukton të quajturën ‘susbstancë P’, një kimikat i rëndësishëm për transmetimin e dhimbjes. Nëse përdorni një krem me kapsaicinë në fillim do të keni pak dhimbje dhe irritim, por më vonë do të ndiheni mirë. Përmbajnë shumë antioksidantë Antioksidantët, ato substanca që parandalojnë ose zvogëlojnë dëmtimet e qelizave të shkaktuara nga radikalet, gjenden me shumicë tek specat e kuq djegës. Ato parandalojnë oksidimin ose dëmtimin e shkaktuar nga radikalet e lira, sidomos në lidhje me kolesterolin dhe trigliceridet. Mund të përmirësojnë qarkullimin e gjakut Kapsaicina ka dhënë prova se redukton kolesterolin dhe trigliceridet dhe ndihmon që qelizat të mos ngjiten me njëra-tjetrën dhe të formojnë mpiksje. Të gjithë këta faktorë promovojnë qarkullimin e shëndetshëm të gjakut. A kanë specat djegës efekte anësore negative? Produktet pikante, duke përfshirë këtu edhe specat e kuq djegës, nuk janë për këdo. Nëse keni probleme me djegien e stomakut dhe urthin pasi hani spec të kuq djegës, duhet të bëni kujdes me sasinë. Ushqimet pikante si speci djegës gjithashtu irritojnë zorrët tuaja duke shkaktuar edhe diarre. Ku mund ta përdorni specin djegës? Në salca Në pula të pjekura Në supra Në perime të pjekura Mund të përgatisni një vaj me spec djegës *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
