Peci vlerëson Berishën, thotë se si ai duhet të sillen shumica e deputetëve

Deputeti i betuar i VV-së, Faton Peci ka vlerësuar deklarimin e Bekë Berishës nga AAK-ja, i cili ka thënë se me votim të hapur do të votojë secilin kandidat të propozuar nga partia e parë.

“Nuk është në pyetje këtu sakrifikimi i askujt, çështja është se në rast që një propozim i tillë prej një deputeti që besoj që duhet me u vlerësu, në esencë kjo do të duhet të jetë sjellja e shumicës së deputetëve për shkak se nuk mund të tjetërsohet vullneti i qytetarëve dhe e drejta që Vetëvendosja e ka fituar me votë të qytetarit dhe me aktvendimin e Gjykatës Kushtetuese”, tha Peci, transmeton Klankosova.tv.

Ai shton se Lëvizja Vetëvendosje ka të  siguruar një pozitë në institucione, dhe ajo është kryetari i Kuvendit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.