PE: Të themelohet menjëherë Asociacioni në Kosovë

Parlamenti Europian, ka kërkuar nga autoritetet në Kosovë që menjëherë të fillojnë themelimin e Asociacionit të Komunave Serbe, në përputhje me marrëveshjen që është arritur në Bruksel.

Kjo është shkruar në projekt-rezolutën për Kosovën, që të hënën pritet të miratohet nga Komiteti i Punëve të Jashtme të Parlamentit Europian, raporton Radio KiM, transmeton Klan Kosova.

Deputetja austriake Ulrike Lunaçek e ka hartuar raportin  sipas të cilit është bërë projektrezoluta.

Në të i bëhet përsëri thirrje  pesë shteteve anëtare të BE-së që nuk e njohin Pavarësinë e Kosovës ta bëjnë një gjë të tillë dhe me këto njohje të “kontribuohet në normalizimin e marrëdhënieve mes Beogradit dhe Prishtinës.”