Pastrohet trafiku te Kanali i Suezit

Anijet e fundit të bllokuara nga anija gjigande e kontejnerëve që ishin bllokuar në Kanalin e Suezit tani kanë kaluar përmes rrugës ujore, thonë autoritetet e kanalit.

Më shumë se 400 anije u lanë në pritje në të dy skajet e kanalit kur Ever Given i gjatë 400 metra u lidh përtej tij në 23 mars.

Por Autoriteti i Kanalit tw Suezit të Egjiptit thotë se bllokimi i trafikut të anijeve tani ka mbaruar.

Zyrtarët kanë hapur një hetim mbi incidentin dhe presin të bëjnë publike zbulimet e tyre në fillim të javës së ardhshme, raporton Klan Kosova.

Rezultatet mund të kenë pasoja të mëdha ligjore, pasi palë të ndryshme kërkojnë të rimbursojnë kostot e riparimeve në anije dhe kanal, si dhe operacionin e shpëtimit.

Rreth 12% e tregtisë globale kalon përmes kanalit 193 kilometërsh i cili lidh Detin Mesdhe me Detin e Kuq dhe siguron lidhjen më të shkurtër detare midis Azisë dhe Evropës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.