Parashikimi i motit për pesë ditë

Në Kosovë javën e ardhshme pritet të mbajë mot i ndryshueshëm.

Sipas Institutit Hidrometeorologjik të Kosovës, dita e hënë do të jetë dita më e nxehtë e javës.

“Do të ketë diell, por edhe vranësira të cilat parashihen të sjellin shi e vende-vende edhe shkarkime rrufesh”, thuhet në njoftimin e këtij instituti.

Të martën pritet të mbajë mot me vranësira dhe intervale me diell. Vranësirat vende –vende parashihen të sjellin riga të izoluar shiu.

“Temperaturat e mesditës do të shënojnë ulje për 4-6 gradë , krahasuar me të ditës së hënë”, thuhet tutje.

Të mërkurën pritet të mbajë mot kryesisht i ngjashëm, pothuajse me gjithë parametrat e ditës së martë, ndërkaq të enjten do të kemi mot jo të qëndrueshëm, i vranët dhe me intervale me diell. Vranësirat gjatë ditës do të shoqërohen me shi dhe shkarkime rrufesh.

Të premten pritet të mbajë mot kryesisht i vranët, por as rrezet e diellit nuk do të mungojnë. Parashihet që gjatë ditës të ketë zhvillim të vranësirave të cilat do të shoqërohen me shi dhe shkarkime rrufesh.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iO