Osmani takon Majlinda Kelmendin: Shembull që duhet ndjekur, e ngriti flamurin tonë në piedestal

Presidentja e vendit, Vjosa Osmani, e ka pritur në Presidencë kampionen e parë Olimpike të Kosovës, Majlinda Kelmendin.

Osmani tha se Kelmendi na bën krenarë në arenën botërore dhe vazhdon t’i frymëzojë çdo ditë jo vetëm qytetarët e Kosovës, por miliona sportistë në botë.

“Sot në Presidencë me kampionen e parë olimpike të Kosovës dhe kampionen e përhershme të zemrave tona, Majlinda Kelmendi”.

“Një emër që na bën krenarë në arenën botërore dhe që vazhdon të na frymëzojë çdo ditë, jo vetëm secilin qytetar të Kosovës, por edhe miliona sportistë botërorë”, shkroi Osmani, transmeton Klankosova.tv.

E para e shtetit tha se Kelmendi është një shembull që duhet ndjekur me punën dhe përkushtimin e pashoq, e cila e ngriti flamurin e Kosovës në piedestalin më të lartë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.