Osmani takohet me Finerin: Roli i ShBA-së është vendimtar për të ruajtur paqen dhe sigurinë

Presidentja e Republikës së Kosovës, Vjosa Osmani, po i vazhdon takimet e saj gjatë qëndrimit në ShBA.

Në llogarinë e saj në platformën X ajo sot njoftoi se është e lumtur që u takua me zëvendësin kryesor në NSA të SHBA-së, Jon Finer, me të cilin diskutoi mbi zhvillimet e fundit në rajon dhe përpjekjet për të përforcuar më tej partneritetin Kosovë-ShBA.

“Theksova se në këtë kohë sfiduese për kontinentin tonë, roli i ShBA-së është vendimtar për të ruajtur paqen dhe sigurinë”, shkroi Osmani.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.