Osmani: Nëse nuk liberalizohen vizat, derën kosovarëve ua hap ISIS-i

Deputetja e Lidhjes Demokratike të Kosovës, Vjosa Osmani, ka thënë se nëse nuk zgjidhet çështja e demarkacionit me ç’rast nuk liberalizohen vizat, atëherë derën kosovarëve do t’ua hapin ata që duan t’ua shpëlajnë trurin për të shkuar dhe për të luftuar për ISIS-in, njofton Klan Kosova.

“Republika përbëhet nga qytetarët e saj, burra, gra, rini, shumica dërrmuese prej të cilëve presin që përfundimisht t’i largojmë nga ky burg i quajtur Kosovë”, tha Osmani në foltoren e Kuvendit.

“Nëse Bashkimi Evropian vazhdon t’ua mbajë atyre derën e mbyllur, e dini që dikush tjetër do t’ua hapë atë ashtu siç ua hapën korridoret për të shkuar për të luftuar në ISIS”, tha Osmani në Kuvendin e Kosovës.

“Do t’ua hapin ata që duan t’ua shpëlajnë trurin, dhe nëse sot është diçka detyrë patriotike e secilit prej nesh, është t’ua shpëtojmë jetën atyre njerëzve nga një izolim i tillë”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.