Organizoi vrasjen Elis Rroshkodolit, dosja për Voltan Xhanin i kalon SPAK-ut

Dosja për 39-vjeçarin Voltan Xhani, i cili dyshohet si organizatori i vrasjes së Elis Rroshkodolit një vit më parë në Shkodër të Shqipërisë, i ka kaluar Prokurorisë së Posaçme kundër Korrupsionit dhe Krimit të organizuar.

Voltan Xhani, i arrestuar nga RENEA gjatë operacionit “Enigma” në Gjirin e Lalzit, ndodhej duke drekuar me Xhevdet Plakun dhe disa persona të tjerë. Ky vendim vjen nga gjyqtari i GJKKO-së, Erjon Bani pasi Gjykata e Shkodrës kishte shpallur moskompetencë. /euronews.al