Opozita “zhduk” buxhetin e VV-së, në mars (VIDEO)

Të hënën u mbajt mbledhja e Kryesisë së Kuvendit.

Kryeparlamenari, Glauk Konjufca u dok goxha në humor të mirë. Pas një orë diskutimi, u mor vesh që për të hënën tjetër u caktua seanca për buxhetin e 2025-ës të cilën LDK nuk e voton pasi për të kanë vërejtje e dy probleme ligjore.

Njëjtë edhe AAK-ja që planifikimit financiar i gjeti behane, pasi ai nuk ka asnjë projekt madhor.

E votojë ose jo opozita, mazhoranca thotë se s`ka vend për plotësim, e planifikimet u bënë të mira.

Projektligji i buxhetit që opozita thotë e do e rishikojë pas 9 shkurtit si fitues zgjedhjesh, iu ka dorëzuar ligjvënësve nga e premtja për shqyrtim.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.