Operacion kundër punës së paligjshme, Britania deporton 60 shoferë “delivery”

Autoritetet britanike kanë arrestuar 171 persona në një operacion kombëtar kundër punës së paligjshme në sektorin e delivery, ndërsa 60 shoferë do të deportohen.

Operacioni përfshiu shoferë dhe punonjës të restoranteve nga Kina, Bangladeshi dhe India, në qytete si Londra, Solihull dhe Norwich. Qeveria synon të frikësojë personat që hyjnë dhe punojnë ilegalisht në Mbretërinë e Bashkuar.

Sipas të dhënave të Home Office, arrestimet për punë të paligjshme gjatë vitit të fundit arritën në 8,232, një rritje prej 63% krahasuar me vitin e mëparshëm.

Ministrja e Brendshme, Shabana Mahmood, ka prezantuar reforma në sistemin e azilit për të bërë më të lehtë deportimin dhe për të ulur migracionin ilegal.

Qeveria gjithashtu po bashkëpunon me kompanitë Deliveroo, Just Eat dhe Uber Eats për të forcuar kontrollet e identitetit dhe për të parandaluar ndarjen e llogarive.

Punëdhënësit që nuk respektojnë kontrollet mund të përballen me 5 vite burg, gjoba deri në 60,000 paund për punëtor të paligjshëm, dhe mbyllje të biznesit