O’Connell shpreh gatishmërinë për bashkëpunimin me Ministrinë e Financave

Ministri i Financave, Avdullah Hoti ka pritur sot në takim ambasadorin e Britanisë së Madhe Ruairi O’Connell, më të cilin ka diskutuar për procesin e  themelimit të Agjencisë për Tatime dhe Doganë të Kosovës (ATDK), si një ndër prioritetet e Qeverisë së Kosovës në Programin Qeverisës 2015-2018.

Hoti ka falënderuar Ambasadën e Britanisë së Madhe e në veçanti Ambasadorin O’Connell për ndihmën e dhënë në procesin e bashkimit të ATK-së dhe Doganës në një agjenci të vetme.

Ai gjithashtu e ka njoftuar  atë edhe me procesin e deritanishëm në themelimin e kësaj Agjencie dhe për hartimin e draftit të Ligjit për Agjencinë për Tatime dhe Doganë e Kosovës, dhe për konsultimet e deritanishme me të gjitha palët e interesit gjatë hartimit të këtij draft ligji dhe për proceset tjera, transmeton Klan Kosova.

O’Connell në këtë takim ka shprehur gatishmërinë e tij dhe të shtetit që ai përfaqëson për ofrimin e ndihmës dhe bashkëpunimit për Ministrinë e Financave në veçanti për themelimin e kësaj Agjencie, si një proces shumë të rëndësishëm sidomos në reformën e administratës publike.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.