Numri i personave të shpërngulur nga Sudani, mbi 10 milionë

Numri i njerëzve të zhvendosur nga Sudani për shkak të konfliktit së shpejti mund të kalojë 10 milionë, tha të premten agjencia e migracionit e Kombeve të Bashkuara, në krizën më të madhe të shpërnguljeve në botë.

Luftimet shpërthyen në kryeqytetin Khartoum në prill 2023 dhe u përhapën shpejt në të gjithë vendin, duke rindezur gjakderdhjen etnike në rajonin perëndimor të Darfurit dhe duke detyruar miliona të largohen, raporton Reuters, transmeton Klankosova.tv.

“Sa vuajtje dhe humbje jetësh duhet të durojnë njerëzit e Sudanit përpara se bota të marrë parasysh? A nuk mjaftojnë 10 milionë të zhvendosur brenda vendit për të detyruar veprim urgjent global?” tha Mohamed Refaat, shefi i Misionit të Sudanit për Organizatën Ndërkombëtare për Migracionin.