“Nuk po mund të marrin frymë nga mbetjet e kafshëve të prera”(VIDEO)

Kremtimi i festës së Kurban Bajramit la pasoja për qytetarët e Kodrës së Trimave në Prishtinë. Ankesat e tyre janë të shumta, kundërimimi nga prishja e mbetjeve shtazore, po ua vështirëson edhe frymëmarrjen.

Jo më shumë se 20 metra nga vendi ku qëndron çdo ditë gjendet deponia e krijuar në lagjen e kodrës së Trimave në Prishtinë, kjo ngase qytetarë të ndryshëm hedhin pjesë të kafshëve të prera që e cila e bënë të pamundur frymëmarrjen aty.

Ajvaz Rama, një qytetar i cili punon dhe vepron përball kësaj deponie ka thënë që kjo erë e keqe e  kalbjes së mbetjeve shtazore nuk është vetëm e ditëve të fundit apo si pasojë e prerjes së Kurbanëve.

Sipas tij, kjo vetëm sa ka dalur në pah, duke qenë se një gjë e tillë, në këtë vend mbizotëron cdo të martë, e cila llogaritet si ditë pazari.

Sipas tij çdo të martë kur bëhet tregu i shitjes së pulave aty hedhen mbetjet e lihen të dekompozohen, por edhe kur ka festë të Kurban Bajramit personat që bëjnë prerjen aty po i lënë grumbull në ambient të hapur.

Ky thotë që po rrezikohen edhe nga ndonjë sëmundje pasi që gjithë ky kundërmim i erës mund të shkaktoj epidemi.

Ajvazi që tash e shumë vite punon me biznesin e tij këtu ka thënë që ankesa kanë bërë vazhdimisht por që nuk merr askush përgjegjësi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.