Comodita Home super-partnere e SHBA-së (VIDEO) NULL NULL 02.07.2024 12:18 02.07.2024 12:18 Comodita Home super-partnere e SHBA-së Në prodhim e eksport është e pa konkurrencë. Andaj, puna e jashtëzakonshme e Comodita Home po e afron edhe më tej ekonominë kosovare me atë të Shteteve të Bashkuara të Amerikës. Këtë e dëshmoi vlerësimi nga Oda Ekonomike Amerikane në Kosovë, e cila ndau çmimin për këtë kompani si eksportuesi më i madh i mallrave në SHBA. “Ne jemi shumë të lumtur që si korporatë jemi në mesin e korporatave më të mëdha në Kosovë që kanë dhënë kontributin e saj që kjo marrëdhënie të shkojë përpara dhe të forcohet”, tha Adriatik Kelmendi nga Devolli Corporation. Kontributi i këtyre kompanive lidere tanimë në botë dhe e 18 bizneseve tjera kosovare, po çmohet lartë. Arian Zeka, drejtor ekzekutiv i Odës Ekonomike Amerikane në Kosovë falënderoi të gjithë partnerët e SHBA-së në Kosovë. “Për të gjithë partnerët e SHBA-së në Kosovë, faleminderit për punën e jashtëzakonshme. Përpjekjet tuaja fuqizojnë bizneset tuaja por edhe ndikojnë dhe në forcimin e marrëdhënieve ndërmjet Kosovës dhe SHBA-së”. Madje, për një vend të vogël siç është Kosova, ky sukses po del të jetë tejet i madh. “Është përkushtimi juaj i palodhur që ndihmoi shumë kompani dhe institucione perëndimore të njohin Kosovën si një vend interesant për të punuar me të”, deklaroi Blin Zeqiri, president i bordit të Odës Amerikane. E prej këtu, ambasadori Jeffrey Hovenier siguroi se mbështetja e shtetit prej nga vjen, do të jetë e palëkundur. Kronikë nga gazetarja Gresa Nitaj: *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Haxholli thotë se MPJD i dha vërejtje me shkrim për reagimet e tij ndaj Serbisë në mbrojtje të interesit shtetëror të Kosovës 57 minuta më parë
Kosova Policia bastis shtëpinë e një burri në Pejë, i gjen mbi 27 mijë euro e 54 fishekë 5 orë më parë