Një grua sulmohet seksualisht nga pronari i shtëpisë që shkoi për ta marrë me qira në Prishtinë

Një person është arrestuar të martën rreth orës 18 në Prishtinë, pasi dyshohet se e ka sulmuar seksualisht një grua.

Sipas policisë, viktima kishte shkuar për ta marrë me qira shtëpinë e të dyshuarit në momentin e sulmit.

” Viktima femër kosovare ka raportuar se derisa ka shkuar te shtëpia e të dyshuarit mashkull kosovar (të cilën do ta merrte me qira)  është sulmuar seksualisht pa dëshirën e saj”, thuhet në raportin e policisë.

Viktima është dërguar për ekzaminim mjekësor, ndërsa i dyshuari është arrestuar dhe pas intervistimit me vendim të prokurorit është dërguar në mbajtje.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.