Nisma në Kuvend

Deputetët e Nismës për Kosovën kanë nisur të mblidhen në sallën e seancave plenare të Kuvendit të Kosovës.

Në sallë janë edhe deputetët e LDK-së, Vetëvendosjes dhe PSD-së.

Në ndërkohë, deputetët e AAK-së kanë bërë të ditur më herët se nuk do të jenë pjesë e kësaj seance të thirrur nga partitë opozitare, njofton Klan Kosova.

As deputetët e PDK-së nuk ndodhen në sallën ku mbahen seancat plenare në Kuvend, derisa ata janë mbledhur në zyrën e Grupit Parlamentar të kësaj partie.

Duket se në seancën e thirrur nga partitë opozitare, ‘shpresa’ për kuorumin e mbajtjes së kësaj seance të jashtëzakonshme ishin pikërisht deputetët e Nismës, që tani shumica prej tyre janë në sallë.

Seanca e jashtëzakonshme e thirrur nga partitë opozitare ishte paralajmëruar që të nisë në orën 19:30.

Në ndërkohë, seanca e jashtëzakonshme e thirrur nga kryeministri ku pritej të votohej ekipi negociator për dialogun me Serbinë, u shty për një ditë tjetër, pikërisht për mungesë kuorumi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.