Nis seanca e Këshillit të Sigurimit të OKB-së për punën e UNMIK-ut

Ka nisur mbledhja e Këshillit të Sigurimit të OKB-së ku po diskutohet për situatën në Kosovë, në kuadër të raportit të rregullt gjashtëmujor të misionit të OKB-së, UNMIK.

Në këtë seancë, Përfaqësuesi Special dhe shefi i UNMIK-ut, Peter Due po raporton mbi zhvillimet politike dhe të sigurisë për periudhën shtator 2025 – mars 2026.

Kosova në këtë takim përfaqësohet nga zëvendëskryeministri i parë dhe njëherësh ministri i Punëve të Jashtme, Glauk Konjufca, i cili do t’i paraqesë pikëpamjet e Republikës së Kosovës në KS të OKB-së.

KS i OKB-së sot mban seancë, Kosovën e përfaqëson Konjufca