Filmi shqiptar “Nëntor i ftohtë”, pjesë e Netflix International

Filmi i metrazhit të gjatë artistik “Nëntor i ftohtë” është bërë pjesë e Netflix International, shërbimit të transmetimit të shfaqjeve televizive, filmave, animacioneve, dokumentarëve, dhe shumë produkteve të tjera kinematografike.

Lajmin e ka bërë të ditur Qendra Kinematografike e Kosovës, përmes një postimi në Facebook.

Regjisor i këtij filmi është Ismet Sijarinën, producent Fatmir Spahiun, skenarist Ismet Sijarina dhe Arian Krasniqi.

Në vitin 2018, “Nëntor i ftohtë” ka pasur premierën botërore në Festivalin Ndërkombëtar të Filmit në San Sebastian, kurse në Festivalin Ndërkombëtar të Filmit në Cyrih të Zvicrës, është shpërblyer me çmimin e publikut.