Nëntë pelegrinë hindu janë vrarë nga një sulm ndaj një autobusi në Jammu të Indisë

Nëntë persona kanë vdekur dhe 33 janë plagosur pasi militantët e dyshuar qëlluan ndaj një autobusi që transportonte pelegrinët hindu në territoret federale indiane të Jammu dhe Kashmir, thanë zyrtarët e policisë.

Zyrtarët fillimisht kishin thënë pas incidentit të së dielës se numri i të vdekurve ishte 10, por e rishikuan shifrën më vonë.

Ata thanë se shoferi humbi kontrollin pas sulmit, duke bërë që autobusi të zhytet në një grykë në rrethin Reasi të Jammu.

Ndërsa operacionet e shpëtimit kanë përfunduar, një operacion kërkimi nga ushtria dhe policia indiane është duke u zhvilluar për të gjurmuar sulmuesit.

Zyrtarët thanë se kryeministri Narendra Modi e kishte “vlerësuar situatën” dhe kërkoi që të plagosurit t’u jepej kujdesi më i mirë mjekësor.

“Të gjithë ata që qëndrojnë pas këtij akti të urryer do të ndëshkohen së shpejti,” shkroi Manoj Sinha, administratori më i lartë i rajonit në X, shkruan BBC, transmeton Klankosova.tv.