Në ditëlindjen e tij përurohet shtatorja e legjendës së futbollit Fadil Vokrri NULL NULL 23.07.2021 18:18 23.07.2021 18:18 Ikona e futbollit Fadil Vokrri dhe njëri nga lojtarët më të mirë të këtij sporti ndër gjithë shqiptarët do të qëndrojë i përjetësuar në bronz pranë stadiumit që e mban emrin e tij dhe në të cilin ai luajti për disa vite me radhë, si futbollist i Prishtinës. Shtatorja e legjendës është përuruar sot në ditën kur ai do të mbushte 61 vjet. Zbulimin e saj e bënë kryeministri Albin Kurti, kryetari i Federatës së Futbollit të Kosovës Agim Ademi, kryetari i Prishtinës Shpend Ahmeti dhe pjesëtarë të familjes Vokrri. Fadil Vokrri vdiq më 9 qershor 2018 në moshën 57 vjeçare, shkruan Klankosova.tv. Në shkurt të vitit 2008 ai ishte zgjedhur president i Federatës të Futbollit të Republikës, ndërsa konsiderohet njeriu më meritor për anëtarësimin e Kosovës në dy shtëpitë e futbollit, atij evropian UEFA dhe botëror FIFA. Vokrri ishte lojtar i Llapit, Prishtinës, Partizanit të Beogradit, Fenerbahçes dhe disa ekipeve të tjera evropiane. Ai është ndër kosovarët e rrallë që ia pati dalë të luajë edhe për përfaqësuesen e Jugosllavisë. Vokrri ishte më meritori që Prishtina kishte arritur të futet në Ligën e Parë të Jugosllavisë dhe të paraqitet dinjitetshëm në këtë kategori garash, për disa vite. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Fakulteti Juridik i UP-së në top 3-shën e gjithë botës, Osmani: Sukses historik 27 minuta më parë
Kosova Çitaku për zgjedhjen e dy nënkryetarëve të PDK-së: Zonja për të cilat ka nevojë Kosova 4 orë më parë
Kosova Suspendohet zyrtari policor, dyshohet se kontrabandoi mallra në vlerë mbi 4 mijë euro 4 orë më parë