Ndihmës regjisori i filmit “Emily in Paris” vdes papritur gjatë xhirimeve

Ndihmës regjisori që punonte në serialin e famshëm “Emily in Paris” ka vdekur gjatë xhirimeve të sezonit të pestë në Venecia.

La Repubblica e identifikoi burrin si 47-vjeçari Diego Borella, i cili ishte asistent regjisor në serial.

Mjekët u thirrën në Hotel Danieli në qytet rreth orës 19:00 sipas orës lokale të enjten, por nuk arritën ta shpëtonin, tha gazeta.

“Me hidhërim të thellë konfirmojmë ndarjen e papritur nga jeta të një anëtari të familjes së prodhimit ‘Emily in Paris’”, tha për BBC Neës një zëdhënës i Paramount Television Studios, të cilët e prodhojnë shfaqjen për Netflix. /Klankosova.tv