Nagelsmann prezantohet sot si trajner i Gjermanisë

Julian Nagelsmann do ta nënshkruajë sot, kontratën si trajner i kombëtares së Gjermanisë.

Kështu të paktën po raporton gazetari Fabrizio Romano, i cili potencoi se Nagelsmann do të prezantohet më vonë sot, së bashku me stafin e tij, ku do të bëhet e ditur edhe kontrata e tij.

Përndryshe, kombëtarja gjermane mbeti pa trajner, pasi u shkarkua Hansi Flick, për shkak të mungesës së rezultateve, dhe pas humbjes së thellë nga Japonia në një miqësore me rezultat 1-4.

Kujtojmë, që Gjermania do të jetë nikoqir i Kampionatit Evropian, që do të mbahet në vitin e ardhshëm.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.