Muriqi testohet për herë të dytë tek Lazio

Muriqi testohet për herë të dytë tek Lazio

NULL NULL
4 javë më parë

Futbollisti Vedat Muriqi, ka bërë për herë të dytë vizitat mjekësore te Lazio.

E gjitha kjo pasi prizrenasi dje ka udhëtuar drejt Italisë, pasi kishte rezultuar pozitiv me COVID-19, gjatë qëndrimit në Stamboll, njofton Klan Kosova.

Vizitat e sotme mjekësore të Muriqit i ka konfirmuar edhe klubi nga kryeqyteti i Italisë, me anë të një postimi në rrjetet sociale.

Së bashku me kosovarin, vizita të njëjta në klinikën “Paideia” bëri edhe futbollisti, Gabriel Roberto Pereira, që pritet të jetë transferi i radhës i lazianëve.

Muriqi nesër pritet t’i bashkohet stërvitjeve të rregullta me skuadrën e re, ndërsa mbetet ende në pikëpyetje prezenca e tij në duelin e 8 tetorit që Kombëtarja e Kosovës do ta ketë përball Kombëtares së Maqedonisë së Veriut, nuk kuadër të Ligës së Kombeve.