Miss Amerika zbulon se si ushtarët e tjerë e pritën fitoren e saj

Miss USA Deshauna Barber ka bërë intervistën e saj të parë, që kur është shpallur fituese në konkursin e “Miss USA 2016”, ku ajo zbuloi se si ushtarët e tjerë e pritën fitoren, transmeton Klan Kosova.

Barber, 26 vjeçare, gjatë intervistës për Good Morning America, deklaroi se ajo ka marrë shumë mesazhe me tekst urimi për fitoren e saj në natën e së dielës, dhe se nuk kishte shanse për t’i lexuar të gjithë.

“Kur e hapa telefonin tim, unë pashë mbi 250 mesazhe të cilat nuk isha në gjendje t’i hapja të gjithë”.

Disa nga mesazhet me urime ishin nga shokët e saj ushtar.

“Ata të gjithë po më shikonin”, ka shpjeguar ajo.

“Disa nga tekstet ishin nga ushtarët e mi, kështu që ata ishin shumë të ngazëllyer për mua. Njësia ime ka qenë jashtëzakonisht mbështetëse dhe e mrekullueshme”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.