Mirsad Ndrecaj pranon se ka sulmuar karakollin e Goshincës

Shkup 26 prill -Mirsad Ndrecaj, i njohur në luftën e 2001-shit si Komandant Nato, ka pranuar se ai bashkë me disa ish-ushtarë të UÇK-së janë autorët e sulmit javën e kaluar në karakollin e policisë kufitare në Goshincë të Malësisë së Likovës. Në një letër të hapur e të publikuar në Facebook, Ndrecaj ka thënë: “Pas sulmit qëndrojnë djemtë më mirë të UÇK-së së 2001, ata që e fituan luftën por që fitorja u shit nga Ali Ahmeti dhe BDI”. “Jua bëj me dije se pas sulmit ne Karakollin e Goshinces qëndrojnë djemtë më të ndershëm të kombit shqiptar. Ata që e nisën luftën në vitin 2001 në Iliridë dhe që e fituat atë luftë. Por, udhëheqësia politike me në krye me Ali Ahmetin e shitën atë luftë për interesa personale. Ne, ish-eprorët e UÇK-së, asnjëherë nuk u pajtuam me Marrëveshjen e Ohrit, e cila edhe me kalimin e kohës dëshmoi se nuk ishte në të mi ë të popullit shqiptar, ku asnjëherë nuk u realizua asnjë pikë e saj në të mirë të popullit, por çka u realizua vetëm në të mirë të disa individëve të cilët përfituan personalisht duke i shitur interesat kombëtare, ku edhe ushtria kishte emër Ushtria Çlirimtare Kombëtare”, shkruan Ndrecaj, raporton KOHA.  Ai në këtë letër ka mohuar që ai dhe grupi që sulmoi Goshincën të kenë marre para, siç raportohej edhe nga mediat serbe. “Ajo që i ka munduar më së shumti opinionin e gjerë vendas dhe dashakeqas te shqiptarëve, jua bëj me dije se nuk ka vlerë më të lartë për ne se sa realizimi i aspiratave kombëtare dhe nuk ka pasuri që ekziston në këtë botë që mundet me na ble e ne të dalim kundër gjakut të shokëve tanë që dhanë jetën për një qëllim. E ai qëllim ishte dhe mbetet Shqipëria Natyrale… UÇK-ja e vërtet ë gjithmonë do të godet aty ku armikut do ti djeg më së shumti. Ne luftën nuk e duam, po ajo kur të na imponohet, ne jemi gjithmonë në ballë për t ë mbrojtur popullin tonë të dashur shqiptar”, shkruan Ndrecaj.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.