Mirlind Daku, në formacionin e vitit në Slloveni

Sulmuesi kosovar Mirlind Daku ka mbyllur një sezon fantastik në ligën elitare të Sllovenisë.

Daku ka shënuar 18 gola për skuadrën e Murës, duke qenë realizatori i dytë më i mirë në këtë shtet.

25-vjeçari, për të arriturat e tij, është shpërblyër duke u zgjedhur në formacionin e vitit nga sindikata profesionale e futbollistëve sllovenë.

Me paraqitjet që i ka pasur gjatë këtij sezoni, Mirlind Daku pritet që karrierën ta vazhdojë në ndonjë ligë edhe më të fortë pasi interesimi për të nuk ka munguar nga ekipet e ndryshme.