Mirlind Daku e kualifikon Osijekun në gjysmëfinale të kupës së Kroacisë - Klan Kosova


Na ndiqni në:


Get it on Google Play Download on the App Store

Mirlind Daku e kualifikon Osijekun në gjysmëfinale të kupës së Kroacisë

NULL NULL
nga Jon Ajeti 01.12.2021 20:35

Futbollisti Mirlind Daku ia ka siguruar fitorën Osijekut përballë Slaven Belupos në kuadër të kupës së Kroacisë në futboll dhe njëkohësisht kalimin në gjysmëfinale të kësaj gare. Ndeshja përfundoi 0-0 përgjatë 90 minutave, teksa edhe në dy shtesat me nga 15 minuta gola nuk pati.

Nga penaltitë, skuadra e Osijekut u tregua më e saktë, duke fituar me rezultat 5-4, kurse penaltia vendimtare iu besua Dakut, që nuk gaboi për ta vulosur triumfin e skuadrës së tij. 23-vjeçari në këtë ndeshje luajti nga minuta e 71-të.

Ishte kjo paraqitja e 12-të për Dakun në të gjitha garat për skuadrën Osijek ku shumicën e rasteve është inkuadruar nga banka rezervë, dhe ka arritur të shënoj 4 gola.