Minxhozi: Kosova e Shqipëria tashmë të unifikuara

Ambasadori i Shqipërisë në Kosovë, Qemal Minxhozi, thotë se Kosova dhe Shqipëria tashmë janë unifikuar.

Gjatë një interviste në emisionin Zona B në Klan Kosova, Minxhozi përmendi disa sfera ku të dyja vendet janë të bashkuara.

“Tani udhëtimi për ne Shqipëri do te jete i njëjte si ne territorin e Kosovës ngaqë do të ketë unifikim. Kemi hequr tatimin e dyfishtë dhe kjo duhet vlerësuar”, shprehet ai.

Minxhozi mendon se Kosova e Shqipëria, duhet të unifikohen edhe në sistemin tatimor e doganor.

“Është mire që të bëjmë unifikimin e praktikave të tatimit dhe të doganave të Kosovës. Do të kemi një sistem doganor të përafërt me njëri-tjetrin, të mos ketë diferenca. Sistemi doganor i Kosovës, është më i përparuar dhe më sofistikuar e ne duhet të përfitojmë nga kjo”, deklaron Minxhozi.

Sipas tij, edhe Kosova edhe Shqipëria kanë ngecje sa i përket administratës publike dhe duhet të punohet në këtë drejtim.

Ambasadori Minxhozi, ndër të tjerash deklaroi se të dyja vendet duhet të arrijnë në një sistem binjakëzimi, ku kualifikimet e një personi në Shqipëri të njihen në Kosovë dhe anasjelltas dhe kjo do të ndihmonte në bashkimin e vlerave të këtyre dy shteteve.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.