Ministria e Shëndetësisë bën thirrje për vaksinim kundër COVID-it

Ministria e Shëndetësisë ka bërë thirrje që të vaksinoheni kundër COVID-it, pasi sipas tyre kjo është mënyra më e sigurt për ta luftuar këtë virus.

“Rekomandimi i OBSH-së është se vaksinimi kundër Covid 19 është mënyrë më e sigurt për të ndihmuar në ndërtimin e mbrojtjes kundër virusit. Covid-19 mund të ketë komplikime serioze, kërcënuese për jetën”, thuhet në njoftimin e kësaj ministrie në Facebook.

Sipas Ministrisë së Shëndetësisë duke u vaksinuar ju do të zhvilloni imunitetin në një mënyrë më të sigurt sesa të infektoheni apo sëmureni.