Miami Heat e mposht kampionin në fuqi me 42 pikë diferencë

NBA ka vazhduar me ndeshjet e radhës, teksa gjatë natës së kaluar janë zhvilluar tri takime.

Vëmendja kryesore ka qenë në FTX Arena në Miami, ku Miami Feat është përballur me kampionin në fuqi Milwaukee Bucks.

Heat e kanë turpëruar kampionin në fuqi duke e mposhtur me 42 pikë diferencë 137-95.

Tyler Herro ka qenë më i miri te Heat me 27 pikë, gjashtë kërcime e pesë asistime.

Teksa edhe Golden State Warriors ka shënuar fitore kundër Los Angelos Clippers me dy pikë epërsi 115-113.

Steph Curry ishte i jashtëzakonshëm në fitoren e Golden State Warriors me 45 pikë dhe 10 asistime.

Curry vetëm gjatë çerekut të parë ka shënuar 25 pikë, ku ishte i saktë në nëntë tentimet për gjuajte. /Klankosova.tv/.