Presidenti i Shqipërisë, Ilir Meta ka mbërritur për të dëshmuar në Prokurorinë e Tiranës.
Ai u thirr në Prokurori për kallëzimin ndaj kreut të KED-së, Ardian Dvoranit. Pritet që Ilir Meta të shpjegojë faktin penal të pretenduar në kallëzimin ndaj Dvoranit.
Presidenti i Republikës do të pyetet nga prokurori Alket Mersini, raporton Tch, transmeton Klan Kosova.
Më 19 nëntor, Meta nënshkroi kallëzimin penal me akuzën për “shpërdorim detyre” ndaj kreut të Këshillit të Emërimeve në Drejtësi, Ardian Dvorani duke e cilësuar këtë padi si një mundësi historike për Reformën në drejtësi.
