Messi, Neymar dhe Mbappe shkëlqejnë në fitoren e Parisit (VIDEO)

Lionel Messi, Neymar dhe Kylian Mbappe kanë shkëlqyer në fitoren e Paris Saint-Germainit ndaj Clermontit.

Parisienët në ndeshjen e vlefshme për javën e 31-të në Ligue 1, triumfuan me rezultat 6-1 ndaj Clermontit në udhëtim.

Serinë e golave e filloi Neymar, në minutën e 6’, teksa e vazhdoi Kylian Mbappe, pas një tjetër asistimi nga Lionel Messi.

Krejt çka bëri në pjesë të parë Clermonti, është ngushtimi i epërsisë, me Jodel Dossoun.

Në pjesë të dytë, Parisi shënoi edhe katër herë, derisa të gjithë golat u shënuan në 20 minutat e fundit të takimit.

Neymar shënoi në minutën e 71-të, golin e dytë në ndeshje, derisa të dytin personal, e shënoi edhe Mbappe, tre minuta më vonë, ndërsa në minutën 60-të, francezi kompletoi het-trickun, pas një asistimi nga Messi, i cili gjithashtu kompletoi het-trickun me asiste.

Një tjetër lojtar që arriti të kompletojë het-trickun, është edhe Neymar, në minutën e 83-të, me këtë gol edhe përfundoi ndeshja.

Parisi pas fitores mbetet në pozitën e parë me 71 pikë, pas 31 ndeshjeve. /Klankosova.tv/

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.