Mes grindjeve me Grupin Wagner, Rusia inspekton trupat dhe premton furnizime ushtarake

Ministri rus i Mbrojtjes, Sergei Shoigu, inspektoi trupat dhe pajisjet ushtarake në distriktin ushtarak jugor të Rusisë të premten, tha ushtria ruse, mes një grindjeje shumë publike me kreun e kompanisë ushtarake private Wagner.

Në deklaratë thuhet se Shoigu ka udhëzuar “të mbahen nën kontroll të posaçëm çështjet e furnizimit të vazhdueshëm dhe ritmik të grupeve të trupave në zonat e operacionit special ushtarak me të gjitha armët dhe pajisjet e nevojshme ushtarake”, raporton CNN, transmeton Klan Kosova.

“Zëvendësministri i Mbrojtjes, Gjeneral Koloneli A. Kuzmenkov, i cili është përgjegjës për mbështetjen materiale dhe teknike të Forcave të Armatosura Ruse, i prezantoi gjeneralit të ushtrisë Sergei Shoigu grupe të reja tankesh moderne, mjete të blinduara luftarake, pajisje speciale dhe mjete motorike të furnizuar nga ndërmarrjet e kompleksit ushtarak-industrial për të furnizuar grupet e trupave ruse”, tha ministria e mbrojtjes.

Vizita e Shoigut pasoi një mori deklaratash të zemëruara nga shefi i Wagner-it, Yevgeny Prigozhin, i cili ka akuzuar drejtpërdrejt Shoigun dhe udhëheqjen ushtarake ruse për përgjegjësinë për dhjetëra mijëra viktima të Wagner-it për shkak të mungesës së furnizimit me municion.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.