Më të bukurat e Met Gala 2015

Vetëm Rihanna mund ta shukasë një tepih të kuq të mbushur me njerëz më të rëndësishëm. E veshur e tëra me të verdhë, nga dizajni i Guo Pei  dhe e shoqëruar me një “tren” prapa vetes, lirisht mund të thuhet se askujt nuk i ka më shumë hije se Rihannës kur është fjala për krijimin e dramës.

 

Fituesja e Çmimit Oskar, Jennifer Lawrence, dukej bukur duke iu përshtatur temës së mbrëmjes, e veshur nga Dior Couture pa e tepruar shumë.

 

Pritshmëritë ishin të larta për supermodelen Kendall Jenner. Por, ajo definitivisht nuk zhgënjeu, duke na lënë gojëhapur me fustanin e saj të Calvin Klein, me disa prerje anësore tërheqëse.

 

Amal Clooney e ka forcuar edhe me shumë statusin e saj si një fashionista. Ajo u duk më glamuroze se kurrë më parë në fustanin e saj të kuq, i krijuar nga John Galliano.

 

Jennifer Lopez na tregoi edhe një herë se cili është aseti i saj më i njohur. Ajo i “valëviti” të pasmet e saj në këtë  “Versace-s’ka-nevojë-për-të -brendshme” fustan të kuq.

 

E arta është definitivisht ngjyra e saj! Anne Hathaway u tregua e mprehtë me veshjen e saj të Ralph Lauren. E mbuluar me kapuç, trupi i saj dukej i përsosur.

 

Superylli i Reality Show e di si të bëjë skena. Kim Kardashian la shumë pak për të imagjinuar me një fustan të tejdukshëm të Roberto Cavallit, i cili i potenconte format e saja të famshme trupore.

 

Ajo tashmë është rritur! Ish ylli i Disney, Selena Gomez, u pa me një veshje të sofistikuar me shpinë të zbuluar nga Vera Wang, dhe një aksesor të bardhë në kokë që i kombinohej bukur.

 

Perfeksion. Emily Blunt kishte ngecur në temën e mbrëmjes me një kreacion të inspiruar nga kontinenti i Azisë, të cilin e ka kompletuar me një pelerinë elegante.

 

 

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.